إرادة حرة أم إدارة حرة

اذهب الى الأسفل

إرادة حرة أم إدارة حرة

مُساهمة  kaddam في السبت 17 يناير - 18:49

همم...............
سؤال كلنا بدأنا بطرحه علي انفسنا ونحن نقضي ايامنا في داخل حرم الكلية نشاهد ونبدي امتعاضنا من بعض الممارسات من حولنا سواء ان كانت من الحرس او طاقم الادارة او من واحد منا نحن الطلبة
ولكن هل نحتاج لمن يفسر لنا هذا الامتعاض؟؟هل نحن بحاجة لشخص ما ليعرفنا بما يجب ان نمتعض عنه او لا؟؟لكن هذا هو بالضبط ما تقوم به ادارة الكلية من اصدار قرارات تكاد ان تكون بالتعسفية واذا بدات بتعدادها فلن انتهي ابدا ولكن من اجل الحقيقة ومن اجل إجلاء هذا الهم من علي صدري ساقوم بذكر كل ما تسعفني به ذاكرتي من المشاكل والممارسات التي يرفض عقلي والمنطق تفسيرها....
اولا....منع الدخول لحرم الكلية اذا لم تكن مسجلا ومستوفيا المصاريف او 50% منها وهذا مفهوم تماما بما اننا كلنا نعرف انا في داخل مؤسسة لا نقول انها تجارية ولكنها استثمارية -اولا- بدلالة زيادة الرسوم في كل سنة جامعية -وتعليمية ثانياٌ,ولكن ما دخل الطالب الذي لم يستطع توفير الرسوم في الفترة الزمنية المحددة هه؟ لماذا تقبل الكلية بتسجيل الطالب بعد انتهاء المدة المحددة للتسجيل لكي يفاجئ بعد نهاية الموسم الدراسي بالحرمان من كل المواد تقريبا وهنا تكون الطامة الكبري.....الحرمان الاكاديمي التعسفي ولماذا هذا ان استعطت ان تعرف من الاساس فكل استاذ لا يريد ان يرد علي تساؤلاتك تجاه الحرمان ويقودك للذهاب الي الشئون العلمية للطلاب او كما اراها (الشئون العلمية ضد الطلاب) التي بدورها تقوم بتحويلك للادارة بدعوي ان شكواك ادارية وليست علمية ففي النهاية انت هنا بسبب الرسوم والشئون العلمية لا دعوي لها بذلك وتقوم انت الطالب المسكين بالتوجه للادارة والسؤال عن مشكلتك وهنا تصل لنهاية الطريق لتجد نفسك قد درت في دائرة مغلقة لا مخرج منها وكل هذا بسبب المادة....تاخرك في تسديد الرسوم الجامعية ادي بك الي هذه النهاية والان انت وحدك في مواجهة الملاحق الكابوس الذي اصبح يطارد الجميع هذه الايام وانت الان مطالب بامتحان كل المواد التي حرمت فيها بسسب التسجيل المتاخر والله اعلم ان استعطت ان تنجح وكلنا رائنا ما حدث في اخر نتيجة للموسم الدراسي
اما كان من الافضل ان تكون اللائحة بان الطالب الذي يتخلف عن سداد الرسوم بتجميد السمستر اعلم ان حلي هذا يمكن ان يكون متطرفا جدا او حازما اكثر من اللازم ولكن ان نظرت للامور من منظار اخر ستجد انك Repeat في مواجهة 7 مواد كنت قد حرمت فيها والان انت في مازق مع نفسك واهلك الذين سيتكفلون بدفع رسوم هذا العام ثانية And we All Don't Want That To happen في النهاية من منا لم ياتي الي البيان من جامعة اخري؟؟؟ فمن منا ياستطاعته ان يبدا من جديد في جامعة اخري غيرها بعد الRepeat الثاني في حياته؟؟؟
علي العموم هذه مشكلة واحدة ويبدو حلها ابعد من ان نستطيع له وصولا ولكنها بداية ومنها ساقوم بتعداد المشاكل التي اراها في داخل الكلية والفي النهاية انا مجرد طالب جل ما يريده ان يسمع صوته من اجل بيئة جامعية افضل له ولكل الطلاب وان كانت الادارة لديها مشكلة
About Speaking my Mind up like I do right now it can just say so by any means it see but after all am speaking my mind like I said and I don't want to start no trouble I just want to be heard and I think we all want that and if the sound of truth got shut at then what kind of world are we living in???? I wonder….
I Think Here its Clear Who is Saying This Smile
Rise Up…Speak Up

kaddam
عضو جديد
عضو جديد

ذكر
عدد الرسائل : 5
العمر : 31
تاريخ التسجيل : 17/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

اداره حره ام اراده حره

مُساهمة  haskoo في الأحد 18 يناير - 18:08

عداك العيب والله والحقيقه لو كل الناس ممكن تتفق وتطلع كلها كيد واحده بي جمبع اراها واشكالاتها وتواجه الاداره المسيره دي ممكن تتصلح كتير من المشاكل اللي اطرق اليها الاخ كدام بس يكون الهدف الطالب والطالبه ومصلحه الطالب والطالبه اولا في المقام الاول.
واحنا كلنا عارفين احنا بندفع عشان نتعلم تعليم احسن من الجامعات االحكوميه ده هنا الفرق بين الجامعه الاهليه والجامعه الحكوميه احننا بندفع عشان نلقي راحتنا وانا بقولها تاني احنا في النهايه بندفع مبلغ وقدره وعارفين الطالب او الطالبه في اليبان بدفع بدفع كان اتاخر في جيب الرسوم وله حصلت ليه اي ظروف في النهايه حيدفع اذا مافي اي داعي لي السياسات الفارضاها الكليه دي من امور بتضر بي مصلحه الطالب او الطالبه كل سنه الرسوم بتزيد عن السنه البعدييها ما بنتكلم لانوا مامن حقك او من حقك انك تتكلم عشان انت اصلا عارف انها جامعه خاصه لكن انا من حقي اتكلم في ما يمس اموري العلميه سواء من حرمان مالي اوغيروا من المشاكل اللي ذكرت في الموضوع .
وياخوانا الواحد معروف في البيان لمن ياخر رسوم الجامعه بتعرض لي غرامه ماليه بتضاف لي رسوم الجامعه صح؟؟؟ طيب لي انا معرض اني اتحرم من دخول االحرم الجامعي ليه؟؟؟ وبي السبب ده اتحرم اكاديما تبقي علي 2 مالي واكاديمي.
ده سؤال بطرح نفسوا انا في حاله اتاخرت من دفع الرسوم اكيد حدفع غرامه ماليه اذا ماف داعي لي سياسات تحت مسمي الحرمان المالي اللي بنتج منها الحرمان الاكاديمي.
وعمر المشكله ماتكون ماليه بحته في مجتمع زي ده واحنا في البيان الواحد بدرس بي مبلغ يكاد يكون راتب استاذ في السنه.
ومن هنا اانا بضم صوتي لي الاخ كدام لا للخلط بين الامور الماليه والامور العالميه لي الطالبه وياحبذا في الكليه دي يهتموا بي الطلاب والطالبات اكتر من اهتمام بالدخل العائد علي الكليه والامور الماليه البحته عشان نرتقي بالكليه دي لي مستوي احسن من كده بي كتير.
زتذكروا دايما ياطلبه البيان لو ما انتوا الطلبه مابكون في كليه لوما قرشك ده مابكون في كليه البيان اسعي في مصلحتك ومصلحه اخوانك واخوتك ومصلحه ماشرط تكون في الحاجه البتخصك انت وبس لا شوف اخوانك واخواتك وحاول شوف انت ممكن تقدم شنو فيه منفعه لي الجميع.
زده المغزي في النهايه مصلحتنا احنا كلنا كطلبه وطالبات.
ااتمني زي ما قال احمد اننا نتكلم ونسمع الناس صوتنا عشان نتعامل بي اسلوب احسن من الاسلوب البتعاملوا بيه معانا الاداره دي.
اانا قلت العندي وياكدام الموضوع صراحه بستاهل النقاش لكن في حاجه في اليبان انا عرفتها

اسمع لو ناديت حيا ولكن لا حياه لمن تنادي
اتمني انو القاعده دي تكون اتكسرت في البيان لي مافيه مصلحه الجميع .
avatar
haskoo
عضو جديد
عضو جديد

ذكر
عدد الرسائل : 3
العمر : 31
الموقع : الدوحه
طالب بقسم : هندسه النظم الالكترونيه
سمستر : السابع
تاريخ التسجيل : 08/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: إرادة حرة أم إدارة حرة

مُساهمة  المدير العام في الإثنين 19 يناير - 2:03

والله ياشباب فعلا المشكله دى محتاجه انو الناس تتكبم فيها لانو كده اذا الزول
حصل ليه ظرف وما قدر يدفع الرسوم لانو حصل ليه ظرف الاداره بتزيدو ليه غرامه تاخير الرسوم ويتحرم ويكون عندو فرصه واحده للامتحان
اما باصى او ربت وحقيقه الاخ كدام طرح مشكله كبيره محتاجه انو الناس تتناقش فيها وانا شايف انه حلها حاجه واحده انو الاداره تخلى الطلبه
يدخلوا محاضراتهم ويمتحنوا وبعد داك النتيجه تتحجب للناس المادافعين او ادارة الكليه تمنعهم من الجلوس للامتحان كده الكليه بتضمن انه الطالب
بيدفع والطالب بياخد راحته فى انو يلم القروش وهنا بيكون الحرمان مالى بس يعنى الاكاديميات اتفلت عن المسائل الماليه وكده احسن حل فى مصلحة الطلبه
ياريت اى عضو يمر على الموضوع يكتب رايو بى امانه والف شكر لى كدام لى طرحو موضوع مهم جدا زى ده .....

_________________
.........................................................................................

ان حظى كدقيق بين شوك نثروه ....
ثم قالوا لحفاة يوم ريح اجمعوه .....
فلما استعظموا الامر قالوا من يشقه الله هل انتم مسعدوه ؟.....

المدير العام للموقع وللمنتدى

........................................................................................
avatar
المدير العام
المدير العام للموقع والمنتدى
المدير العام للموقع والمنتدى

ذكر
عدد الرسائل : 44
العمر : 32
الموقع : http://bcst.tk
طالب بقسم : هندسة النظم الالكترونيه
تاريخ التسجيل : 06/01/2009

معاينة صفحة البيانات الشخصي للعضو http://bcst.tk

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى